Արմավիրի մարզպետի աշխատակազմ

ՀՀ Արմավիրի մարզպետ Դավիթ Խուդաթյանն աշխատանքային օրվա ընթացքում այցելել է Վաղարշապատի Մանկավարժահոգեբանական տարածքային կենտրոն՝ հանդիպելու այնտեղ ապաստանած Լեռնային Ղարաբաղից բռնի տեղահանված մեր հայրենակիցների հետ:

Մարզպետը Վաղարշապատ համայնքի ղեկավարի տեղակալ Արսեն Պետրոսյանի, մարզպետի աշխատակազմի և համայնքապետարանի ոլորտային պատասխանատուների հետ ծանոթացել է շենքային պայմաններին, որից հետո զրուցել է Լեռնային Ղարաբաղից բռնի տեղահանված քաղաքացիների հետ, լսել նրանց կարիքներն ու խնդիրները, քննարկել բարձրացված խնդիրների լուծման հնարավոր տարբերակները, պայմանավորվել՝ ըստ անհրաժեշտության նորից հանդիպել: