Արմավիրի մարզպետի աշխատակազմ

ՀՀ Արմավիրի մարզպետ Դավիթ Խուդաթյանն այցելել է Բաղրամյան համայնքի Լեռնագոգ բնակավայր՝ ծանոթանալու գյուղում կառուցվող 14 առանձնատների և մանկապարտեզի շինարարական աշխատանքների ընթացքին:

Բաղրամյան համայնքի ղեկավար Շանթ Առաքելյանի և ոլորտային պատասխանատուների հետ մարզպետը շրջեց շինարարական հրապարակում, ծանոթացավ կառուցման աշխատանքների ընթացքին, նախագծային լուծումներին, ժամկետներին:

Առանձնատները նախատեսված են Լեռնային Ղարաբաղից տեղահանված բազմազավակ ընտանիքների համար, իսկ մանկապարտեզը նախատեսված է 120 երեխայի համար։
Ծրագրի բյուջեն ավելի քան 720 մլն դրամ է:

Բարեգործական ծրագիրն իրականացնում է Հայաստան համահայկական հիմնադրամը:
Շինարարական աշխատանքների ավարտը նախատեսվում է 2024 թվականի դեկտեմբերին: