Արմավիրի մարզպետի աշխատակազմ

Աշխատանքային օրվա ընթացքում Արմավիրի մարզպետ Դավիթ Խուդաթյանն այցելել է Արմավիրի բժշկական կենտրոն` ծանոթանալու կենտրոնի շենքային պայմաններին, մատուցվող ծառայություններին:
Բժշկական կենտրոնի տնօրեն Հարություն Հովհաննիյանի, մարզպետի աշխատակազմի ոլորտային պատասխանատուների հետ մարզպետը շրջեց կենտրոնում, ծանոթացա շենքային պայմաններին և մատուցվող բժշկական ծառայություններին, իրականացված և նախատեսվող ծրագրերին:

Ներկայացվեց վերջին տարիներին բժշկական կենտրոնում իրականացված աշխատանքները, ձեռք բերված բժշկական սարքավորումները, որոնց արդյունքում բարելավվել է քաղաքացիների սպասարկման որակը:

Շրջայցի ավարտին Դավիթ Խուդաթյանը հանդիպեց բուժանձնակազմին, իր խոսքում ողջունեց հաստատությունում բուժանձնակազմի կողմից իրականացված աշխատանքները, վերջին շրջանում ունեցած ձեռքբերումները՝ կարևորելով դրանց շարունակականությունը, որից հետո ներկայացրեց մարզպետի աշխատակազմի մոտեցումներն աշխատանքի կազմակերպման, համակարգման և վերահսկողության մասով, քննարկվեցին առաջիկա անելիքները: