Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Արմավիրի մարզպետ Դավիթ Խուդաթյանը Կրթության, գիտության, մշակույթի և սպորտի նախարարի տեղակալ Արաքսյա Սվաջյանի հետ շրջել են մի շարք շինարարական օբյեկտներում
26.02.2024
Աշխատանքային օրվա ընթացքում ՀՀ Արմավիրի մարզպետ Դավիթ Խուդաթյանը Կրթության, գիտության, մշակույթի և սպորտի նախարարի տեղակալ Արաքսյա Սվաջյանի, քաղաքաշինության կոմիտեի, համայնքի ղեկավարների, մարզպետի աշխատակազմի և համայնքապետարանի ոլորտային պատասխանատուների հետ այցելեց Շահումյանի, Վաղարշապատի Երվանդ Օտյանի անվան թիվ 7, Արտիմետի, Սարդարապատի, Արմավիրի Մովսես Սիլիկյանի անվան թիվ 6 դպրոցների մարզադահլիճներ և Արևիկ գյուղի մոդուլային մանկապարտեզ:
Աշխատանքային այցի նպատակն էր հետևել շինարարական աշխատանքների ընթացքին, նախորդ այցերի ժամանակ արձանագրված թերությունների շտկման գործընթացին, քննարկել շինարարական աշխատանքում առկա խնդիրները:
Այցի ընթացքում արձանագրված թերությունների վերացման մասով տրվել են հանձնարարականներ, ֆիքսվել է թերությունների շտկման ժամանակացույցը:
Նշված բոլոր շինարարական օբյեկտների ֆինանսավորումն իրականացվում է ՀՀ պետական բյուջեի միջոցներով՝ ՀՀ կրթության, գիտության, մշակույթի և սպորտի նախարարության և ՀՀ քաղաքաշինության կոմիտեի կողմից:
