Արմավիրի մարզպետի աշխատակազմ

Աշխատանքային օրվա ընթացքում ՀՀ Արմավիրի մարզպետ Դավիթ Խուդաթյանն Արաքս համայնքի ղեկավար Ղազար Ղազարյանի, մարզպետի աշխատակազմի և համայնքապետարանի ոլորտային պատասխանատուների հետ այցելեց Առատաշեն բնակավայր:

Առատաշեն գյուղում մարզպետը նախ այցելեց գյուղի միջնակարգ դպրոց, որտեղ տնօրենի ուղեկցությամբ շրջեց դպրոցում, ծանոթացավ ուսումնական պրոցեսի կազմակերպմանը, շենքային պայմաններին, ոլորտի պատասխանատուների հետ քննարկեցին ընթացիկ աշխատանքային հարցեր, որից հետո այցելեց բնակավայրի մանկապարտեզ, որտեղ 2022-2023 թվականների պետական համաֆինանսավորման ծրագրերով իրականացվել է բակի բարեկարգում և երկհարկանի մասնաշենքի կապիտալ վերանորոգում՝ շուրջ 70 միլիոն դրամ արժեքով, որը ֆինանսավորվել է 70% պետական և 30% համայնքային բյուջեներից: