Արմավիրի մարզպետի աշխատակազմ

Ֆրանսիայի Բուշ դյու-Ռոն դեպարտամենտի խորհրդի նախագահ Մարտին Վասալի, Հայաստանում Ֆրանսիայի արտակարգ և լիազոր դեսպան Օլիվյե Դեկոտինի, գործընկերների հետ մարզպետ Դավիթ Խուդաթյանն Էջմիածին քաղաքում մասնակցեց «Բարձունք 5165» բարեգործական կազմակերպության՝ ատամնաբուժական դիսպանսերում կազմակերպված միջոցառմանը:

Մարզպետը ելույթով ողջունեց Ֆրանսիայի պատվիրակության այցն Արմավիրի մարզ՝ ընդգծելով, որ նման այցերը կարևոր են համագործակցության շրջանակը ընդլայնելու և համատեղ նոր ծրագրեր իրականացնելու համար:

Դավիթ Խուդաթյանը շնորհակալություն հայտնեց բարեգործական կազմակերպության անձնակազմին՝ մարզի շուրջ 15.000 բնակիչներին որակյալ և անվճար բժշկական ծառայություններ մատուցելու համար:

Այցի ավարտին բարեգործական կազմակերպության գլխավոր սրահում բացվեց ցուցանակ` ի պատիվ տիկին Մարտին Վասալի: