Արմավիրի մարզպետի աշխատակազմ

Էջմիածին քաղաքում Վաղարշապատ համայնքի ղեկավարին փոխարինող, համայնքի ղեկավարի առաջին տեղակալ Արսեն Պետրոսյանի, մարզպետի տեղակալ Խաչատուր Մկրտչյանի, մարզպետի աշխատակազմի և համայնքապետարանի ոլորտային ղեկավարների հետ այսօր Արմավիրի մարզպետ Դավիթ Խուդաթյանն անցկացրեց քաղաքացիների ընդունելություն:

Քաղաքացիների կողմից բարձրացված հարցերն առնչվել էին աշխատանքի ապահովմանը, սոցիալական ոլորտին, համայնքին վերաբերող այլ հարցերի:

Քաղաքացիների ընդունելության ընթացքում ներկայացված հարցերի հետագա համակողմանի ուսումնասիրման նպատակով հանձնարարականներ տրվեցին աշխատակազմի ստորաբաժանումների պատասխանատուներին՝ սեղմ ժամկետներում ուսումնասիրել բարձրացված խնդիրները և քաղաքացիներին անհրաժեշտ աջակցություն ցուցաբերել: