Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հայաստանի Հանրապետության վարչապետ Նիկոլ Փաշինյանն այցելել է Արմավիրի մարզ
10.05.2024
Այսօր Հայաստանի Հանրապետության վարչապետ Նիկոլ Փաշինյանն այցելել է Արմավիրի մարզ:
Վարչապետը կանգառներ է ունեցել այն բնակավայրերի դպրոցներում, որտեղ կառուցված մարզադահլիճներում արձանագրվել էին տարբեր խնդիրներ և թերություններ, ինչպես նաև եղել այլ բնակավայրերում, ծանոթացել նոր օբյեկտների կառուցման աշխատանքներին:
Արմավիրի մարզում կառավարության ղեկավարն այցելել է Էջմիածին քաղաքի թիվ 7, Արաքս համայնքի Արտիմետ գյուղի, Մեծամոր համայնքի Ջանֆիդա գյուղի, Արմավիր քաղաքի թիվ 6, Խոյ համայնքի Արագած և Շահումյան գյուղերի դպրոցներ, որտեղ պետական բյուջեի ֆինանսավորմամբ կառուցվել են մարզադահլիճներ և հանդիսությունների սրահներ, Ջրառատում ներկա է գտնվել Սիմոն Մարտիրոսյանի անվան ծանրամարտի մարզադպրոցի բացմանը, այցելել է Մեծամոր համայնքի Արևիկ գյուղի նորակառույց մոդուլային մանկապարտեզ:
Վարչապետը չնախատեսված կանգառներ է ունեցել նաև Գայ և Բամբակաշատ բնակավայրերում, զրուցել բնակիչների հետ:
Այցի շրջանակում Նիկոլ Փաշինյանը ծաղիկներ է խոնարհել հանուն հայրենիքի կյանքը նվիրաբերած հերոսների հիշատակին նվիրված հուշարձանների մոտ:
