Արմավիրի մարզպետի աշխատակազմ

ՀՀ Արմավիրի մարզպետ Դավիթ Խուդաթյանը Խոյ համայնքի ղեկավար Արգիշտի Մեխակյանի, մարզպետի աշխատակազմի և համայնքապետարանի ոլորտային պատասխանատուների հետ այցելել են Խոյ համայնք` հետևելու Դողս - Աղավնատուն ճանապարհի ասֆալտապատման աշխատանքների ընթացքին:

Ճանապարհի հիմնանորոգումն իրականացվում է սուբվենցիոն ծրագրի շրջանակներում, որի ընդհանուր արժեքը կազմում է 96 միլիոն դրամ, որից համայնքի մասնաբաժինը կազմում է 65%, իսկ պետությանը՝ 35%։

Այցի շրջանակներում մարզի ղեկավարն այցելել է նաև Լեռնամերձ գյուղ, որտեղ ընթանում են գյուղի գազաֆիկացման աշխատանքները:

Ծրագիրը դարձյալ իրականացվում է պետական համաֆինանսավորման ծրագրի շրջանակներում։

Նախագծի ընդհանուր արժեքը կազմում է 68.7 միլիոն դրամ, որն իր մեջ ներառում է Աղավնատուն գյուղից մինչև Լեռնամերձ գյուղ միջին ճնշման գազատարի կառուցում և Լեռնամերձ գյուղի ներքին ցանցի կառուցում։

Շինարարական օբյեկտներում աշխատանքներն իրականացվում են համաձայն օրացուցային գրաֆիկի, աշխատանքները նախատեսվում է ավարտել առաջիկա ամիսներին: