Արմավիրի մարզպետի աշխատակազմ

Բանակ-հասարակություն կապի ամրապնդմանը, զինվորական ծառայության գրավչության բարձրացմանը և աշակերտների մասնագիտական կողմնորոշմանն ուղղված միջոցառումների շրջանակում հունիսի 10-ին, 11-ին և 12-ին ՀՀ ՊՆ Վազգեն Սարգսյանի անվան ռազմական ակադեմիա են այցելել Արմավիրի մարզպետի աշխատակազմի ենթակայությամբ գործող հանրակրթական դպրոցների 10-11-րդ դասարանների 485 աշակերտներ։

Դպրոցականները շրջել են ռազմական կրթօջախի տարածքում, որտեղ նրանց մանրամասն ներկայացրել են ակադեմիայի ընդունելության կարգը, ռազմակրթական նորացված ծրագրերը, կուրսանտների առօրյան, ուսումնական և կեցության պայմանները, սպա դառնալու հեռանկարներն ու պետության կողմից տրամադրվող բազմաթիվ արտոնությունները և սոցիալական երաշխիքները։

Ակադեմիայի սպաներն ու դասախոսները նաև պատասխանել են աշակերտներին հետաքրքրող հարցերին։