Արմավիրի մարզպետի աշխատակազմ

Այսօր Արմավիրի մարզպետ Դավիթ Խուդաթյանը ՀՀ Էկոնոմիկայի նախարար Գևորգ Պապոյանի, Հայաստանում Իրանի արտակարգ և լիազոր դեսպան Մեհդի Սոբհանիի, Իրանում ՀՀ առևտրային ներկայացուցիչ Վարդան Կոստանյանի հետ այցելեցին Քարակերտի մետաղաձուլական գործարան:

Այցի ընթացքում նախարարը շրջեց գործարանի տարածքում, ծանոթացավ գործարանի արտադրական կարողություններին ու ծավալներին:

Հաշվի առնելով պողպատյա արտադրանքի նկատմամբ ՀՀ շուկայի պահանջարկը, ինչպես նաև արդյունաբերության ոլորտի զարգացմանն ուղղված պետության քաղաքականությունը՝ հանդիպման ընթացքում քննարկվեց շուրջ 7 միլիոն դոլար ներդրումային ծրագրերի մանրամասները, գործարանի ընդլայնման հնարավորությունները, պատրաստի արտադրանք տալու ուղղությամբ պլանավորումները:

Նշենք, որ այս պահին գործարանն օգտագործում է Հայաստանում գոյություն ունեցող մետաղի ջարդոնը։

Ներկա պահին արտադրվում է օրական 60 տոննա ձուլակտոր, գործարանն այս պահին ունի 170 աշխատակից, որոնցից շուրջ 40-ը Իրանից են, 130-ը` Հայաստանից: