Արմավիրի մարզպետի աշխատակազմ

Աշխատանքային օրվա ընթացքում մարզպետ Դավիթ Խուդաթյանն Արմավիր համայնքի ղեկավար Վարշամ Սարգսյանի, Հայաստանի տարածքային զարգացման հիմնադրամի տնօրեն Սարգիս Բաղինյանի, փոխմարզպետ Խաչատուր Մկրտչյանի, մարզպետի աշխատակազմի ոլորտային ղեկավարների հետ ներկա է գտնվել Մյասնիկյան բնակավայրում ՀՀ կառավարության, Համաշխարհային բանկի, ինչպես նաև համայնքի համաֆինանսավորմամբ, Հայաստանի տարածքային զարգացման հիմնադրամի պատվերով Սոցիալական ներդրումների և տեղական զարգացման ծրագրի շրջանակում կառուցված մինիֆուտբոլի, բասկետբոլի և վոլեյբոլի դաշտի բացման հանդիսավոր արարողությանը:

Մարզադաշտը կրում է Արցախյան 44-օրյա պատերազմում հերոսաբար զոհված, «Արցախի հերոս» բարձրագույն կոչմանն արժանացած Հակոբ Հարությունյանի անունը:

Ողջունելով ներկաներին՝ մարզպետն իր զորակցությունը հայտնեց հերոսի ընտանիքի անդամներին, հարազատներին, մարտական ընկերներին՝ նշելով, որ այսօր հիշարժան և նշանակալից օր է, քանի որ հերոսի անունը կրող մարզադաշտն այսուհետ ծառայելու է բնակավայրի երեխաներին: Սա նաև խթան է հանդիսանալու համայնքում մասսայական սպորտի զարգացման համար:

Նշենք, որ մարզադաշտի շուրջ կառուցել է վազքուղի՝ 2 վազքուղյակներով։ Մարզադաշտի և վազքուղու ծածկերը լցնովի անկար ռետինե ծածկույթով են՝ 10մմ հաստությամբ։ Մարզադաշտի երկայնական կողմով տեղադրվել է տրիբունա՝ նախատեսված 60 հանդիսատեսի համար, իսկ լայնական կողմով՝ գլխավոր մուտքի մոտ, տեղադրվել է 18 քմ մակերեսով ծածկարան՝ նախատեսված մարզիչների և մարզվողների համար։
Ծրագրի արժեքը կազմել է 45.6 միլիոն դրամ։