Արմավիրի մարզպետի աշխատակազմ

Աշխատանքային օրվա ընթացքում մարզպետ Դավիթ Խուդաթյանը Մեծամոր համայնքի ղեկավար Վահրամ Խաչատրյանի, մարզպետի տեղակալ Խաչատուր Մկրտչյանի հետ այցելեց Մեծամոր համայնք՝ դիտարկելու Հ-15 /Մ-5/ (Նորապատ)-Արգավանդ-/Մ-3/ (Վարդանաշեն) հանրապետական նշանակության ավտոճանապարհի Նորապատ-Ալաշկերտ 3 կմ հատվածի հիմնանորոգման աշխատանքները:

Ծրագիրն իրականացվում է ՀՀ Ճանապարհային դեպարտամենտ հիմնադրամի պատվերով` պետական բյուջեի ֆինանսավորմամբ:
Արժեքը կազմում է 411.1 միլիոն դրամ:

Ծրագիրն ավարտական փուլում է, տեղադրվում է վերջին հատվածի վերին շերտի ասֆալտը:

Առաջիկայում ճանապարհը կկահավորվի երթևեկության համար անհրաժեշտ նշաններով, կիրականացվեն ճանապարհի գծանշման աշխատանքներ։