Արմավիրի մարզպետի աշխատակազմ

Այսօր մարզպետ Դավիթ Խուդաթյանն այցելեց Արմավիրի մարզպետի աշխատակազմի ենթակայությամբ գործող Մյասնիկյան բնակավայրի առողջապահական կենտրոն` լսելու կենտրոնի 2024 թվականի առաջին կիսամյակի հաշվետվությունը:

Հանդիպմանը մասնակցում էին մարզպետի տեղակալ Խաչատուր Մկրտչյանը, մարզպետի աշխատակազմի ոլորտային պատասխանատուները, բժիշկներ, բուժաշխատողներ:

Բժշկական կենտրոնի տնօրեն Գագիկ Հարությունյանը ներկայացրեց բժշկական կենտրոնի ծառայությունները, ֆինանսական ցուցանիշները, գործիքային նոր համալրումները, ենթակառուցվածքների ընդհանուր վիճակը:
Տնօրենի ներկայացմամբ` առողջապահական կենտրոնի բյուջեն 2024 թվականի առաջին կիսամյակի ընթացքում եղել է 53.509.979 դրամ, նախորդ տարվա 49.684.602 դրամի համեմատ:

Վճարովի ծառայությունների գումարը 2024 թվականի առաջին կիսամյակի ընթացքում եղել է 4.445.500 դրամ, նախորդ տարվա 4.322.500 դրամի համեմատ:
Առավել ակտիվացել է շտապօգնության կանչերի թիվը. 2024 թվականի առաջին կիսամյակի ընթացքում սպասարկվել է 1947 կանչ, նախորդ տարվա 1431 կանչի փոխարեն:

Անդրադարձ կատարվեց կենտրոնում աշխատակազմի մասնագիտական որակների կատարելագործմանը, մարզում առողջապահական վիճակի բարելավմանն ու քաղաքացիների սպասարկման որակի բարձրացմանն ուղղված աշխատանքներին, ընթացիկ այլ հարցերի ևս: