Արմավիրի մարզպետի աշխատակազմ

Այսօր համայնքային հերթական այցի շրջանակներում Բաղրամյան համայնքի ղեկավար Շանթ Առաքելյանի, մարզպետի տեղակալ Խաչատուր Մկրտչյանի, մարզպետի աշխատակազմի ոլորտային պատասխանատուների հետ մարզպետ Դավիթ Խուդաթյանն այցելեց Հուշակերտ և Բագարան բնակավայրեր, որտեղ սուբվենցիոն ծրագրերով ասֆալտապատվում են մի շարք փողոցներ։

Հուշակերտ բնակավայրում իրականացվում է 2-րդ փողոցի ասֆալտապատում՝ 407 մետր, 26.5 միլիոն դրամ արժեքով և 5-րդ փողոցի ասֆալտապատում՝ 426 մետր, 30.2 միլիոն դրամ արժեքով։

Շինարարական աշխատանքները գտնվում են ավարտական փուլում։

Բագարան բնակավայրում դիտարկվել է Գևորգ Մարզպետունի փողոցի ասֆալտապատման աշխատանքները՝ 630 մետր երկարությամբ, 31 միլիոն դրամ ընդհանուր արժեքով։
Շինարարական աշխատանքներն ընթացքի մեջ են, կատարված է աշխատանքների 60%֊ը։

Նշված ծրագրերն իրականացվում են ՀՀ կառավարության 40% և համայնքի 60% համաֆինանսավորմամբ։

Շինարարական բոլոր օբյեկտներում մարզպետը զրուցեց շինարարների հետ՝ կարևորելով շինարարական աշխատանքների որակը, թերությունների շտկումը և նախանշված ժամկետների պահպանումը: