Արմավիրի մարզպետի աշխատակազմ

Օգոստոսի 7-ին Էջմիածին քաղաքում մարզպետ Դավիթ Խուդաթյանը մասնակցեց Մաչանենց արվեստի միջազգային 10-րդ սիմպոզիումի ցուցահանդեսի բացմանը:
Ցուցահանդեսում ներկայացված էին 15 երկրի 101 նկարիչների ստեղծագործություններ:

Միջոցառմանը մասնակցում էին ԿԳՄՍ փոխնախարար Դանիել Դանիելյանը, դիվանագիտական կառույցների ներկայացուցիչներ, արվեստագետներ, հյուրեր:

Մարզպետն իր ելույթում ողջունեց ներկաներին 10-րդ հոբելյանական սիմպոզիումի առիթով, կարևորեց մարզերում մշակութային կյանքի ակտիվացումը՝ նշելով, որ «Մաչանենց տունը» խթանում է Արմավիրի մարզում մշակույթի տարածմանը, բարձրացնում է մարզի ճանաչելիությունը:

Հանդիսավոր միջոցառման ավարտին հյուրերի հետ մարզի ղեկավարը շրջեց ցուցասրահներում, ծանոթացավ նկարիչների ստեղծագործություններին: