Արմավիրի մարզպետի աշխատակազմ

ՀՀ Արմավիրի մարզպետ Դավիթ Խուդաթյանը հերթական աշխատանքային խորհրդակցությունն է անցկացրել՝ աշխատակազմի ոլորտային ղեկավարների մասնակցությամբ:

Խորհրդակցության ընթացքում ստորաբաժանումների ղեկավարները ներկայացրել են իրենց ոլորտներում նախորդ շաբաթվա ընթացքում կատարված աշխատանքները, ընթացիկ շաբաթվա անելիքները, անդրադարձ է կատարվել մարզում պետական համաֆինանսավորման ծրագրի ընթացքին, մարզի խորհրդի հերթական կազմակերպմանը, քաղաքացիների արտագնա հաջորդ ընդունելության կազմակերպմանը վերաբերող հարցերին:

Քաղաքաշինության ոլորտի պատասխանատուները ներկայացրել են մարզի շինարարական օբյեկտներում հայտնաբերված թերությունների վերացմանն ուղղված աշխատանքների ընթացքը, մարզպետի աշխատակազմ ներկայացված կատարողականների ճշգրտումները։ Քննարկվել են աշխատանքային այլ հարցեր ևս: