Արմավիրի մարզպետի աշխատակազմ

Արմավիրի մարզպետի աշխատակազմում մարզպետ Դավիթ Խուդաթյանն անցկացրեց հերթական աշխատանքային խորհրդակցությունը՝ աշխատակազմի ոլորտային ղեկավարների մասնակցությամբ:

Խորհրդակցության ընթացքում ստորաբաժանումների ղեկավարները ներկայացրին իրենց ոլորտներում նախորդ շաբաթվա ընթացքում կատարված աշխատանքների կատարողականը, ընթացիկ շաբաթվա անելիքների պլանավորումները, հստակեցվեց աշխատանքային հերթական այցերի գրաֆիկը, անդրադարձ կատարվեց մարզում պետական համաֆինանսավորման ծրագրի ընթացքին:

Քաղաքաշինության ոլորտի պատասխանատուները ներկայացրին մարզի շինարարական օբյեկտներում կատարվող աշխատանքների ընթացքը, մարզպետի աշխատակազմ ներկայացված կատարողականների ճշգրտումները:

Խորհրդակցության ընթացքում անդրադարձ կատարվեց մարզի խորհրդի հերթական նիստի կազմակերպման հարցին, քննարկվեցին աշխատանքային այլ հարցեր ևս: