Պաշտոնական էլ. փոստ
(միայն www.e-citizen.am համակարգով ծանուցումների համար)
Տպել
Տեղեկատվական կենտրոն
Նորություններ
Արմավիրի մարզպետԴավիթ Խուդաթյանի նախագահությամբ կայացել է ՀՀ Արմավիրի մարզի խորհրդի 2024 թվականի հերթական նիստը
04.09.2024
Այսօր Արմավիրի մարզպետի աշխատակազմում կայացել է ՀՀ Արմավիրի մարզի խորհրդի 2024 թվականի հերթական նիստը, որին մասնակցում էին մարզի համայնքների ղեկավարները և մարզպետի աշխատակազմի ոլորտային պատասխանատուները:
Մարզխորհրդի նիստի ընթացքում ներկայացվեցին օրակարգով հաստատված հետևյալ հարցերը.
- Հայաստանի Հանրապետության Արմավիրի մարզի համայնքների 2024 թվականի ութ ամսվա բյուջեներով պլանավորված սեփական եկամուտների հավաքագրման արդյունքների և այդ ուղղությամբ համայնքապետարանների կողմից իրականացված վարչարարության մասին։
- Հայաստանի Հանրապետության Արմավիրի մարզում գյուղատնտեսական մթերքների մթերման ընթացքի և առկա խնդիրների մասին։
- Սուբվենցիոն ծրագրերի իրականացման ընթացքի մասին:
- Հայաստանի Հանրապետության Արմավիրի մարզում քաղաքաշինության բնագավառում իրականացված մշտադիտարկման արդյունքների մասին։
Հայտարարությամբ ներկայացվեց Հայաստանում Արևմտյան Նեղոսի տենդի հաստատված դեպքերը, հիվանդության դեմ պայքարի միջոցառումները:
Մարզխորհրդի նիստն ավարտվեց օրակարգային և ընթացիկ հարցերի քննարկմամբ։
