Արմավիրի մարզպետի աշխատակազմ

Սեպտեմբերի 6-ին  Փարաքար համայնքի ղեկավար Լյուդվիգ Գյուլնազարյանի, մարզպետի տեղակալ Խաչատուր Մկրտչյանի, մարզպետի աշխատակազմի ոլորտային ղեկավարների հետ մարզպետ Դավիթ Խուդաթյանն այցելեց  Նորակերտի և  Արևաշատի միջնակարգ դպրոցներ:

Դպրոցների տնօրենների ուղեկցությամբ մարզպետը շրջեց դպրոցներում, հետևեց դասապրոցեսի կազմակերպման գործընթացին, ծանոթացավ շենքային պայմաններին, առկա խնդիրներին:

Նորակերտի միջնակարգ դպրոցում ծանոթացավ նաև մարզադահլիճի մասնաշենքի կառուցման աշխատանքներին:

Շինարարական աշխատանքներն այս պահին ընդհատված են, անհրաժեշտ շտկումներից հետո շինաշխատաքները կշարունակվեն:

Մարզադահլիճի կառուցման ծրագրի ընդհանուր արժեքը 53 միլիոն դրամ է, որից 23.8 միլիոն դրամը դրամաշնորհային պայմանագրի հիման վրա հատկացրել էր ՀՀ կառավարությունը՝ դպրոցի մարզադահլիճի մասնաշենքի կառուցման մնացորդային աշխատանքների և հարակից ծառայությունների ձեռքբերման համար։