Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Արմավիրի մարզպետ Դավիթ Խուդաթյանն այցելել է Մուսա լեռան հերոսամարտի հուշահամալիր և մասնակցել Մուսա լեռան հերոսամարտի 109-ամյակին նվիրված տոնական միջոցառմանը
22.09.2024
Այսօր Արմավիրի մարզպետ Դավիթ Խուդաթյանը Հայաստանի Հանրապետությունում Ֆրանսիայի արտակարգ և լիազոր դեսպան Օլիվիե Դեկոտինիի, մարզի համայնքների ղեկավարների, հյուրերի հետ այցելել է Մուսա լեռան հերոսամարտի հուշահամալիր և մասնակցել Մուսա լեռան հերոսամարտի 109-ամյակին նվիրված տոնական միջոցառմանը։
Ավանդական դարձած տոնակատարությունը, որն ամեն տարի նշվում է սեպտեմբեր ամսվա երրորդ կիրակի օրը, իր շուրջն էր համախմբել մուսալեռցիներին ու Փարաքար համայնք այցելած հյուրերին` ավանդական հարիսայով, երգ ու պարով:
Մարզպետն իր խոսքում ողջունեց և շնորհավորեց ներկաներին` հիշարժան ու պատմական այս օրվա ու Հայաստանի Հանրապետության Անկախության տոնի առիթով:
Միջոցառման ավարտին ներկաների հետ մարզպետը ճաշակեց ավանդական հարիսան, որն օրվա խորհրդանիշներից է և պատրաստվում է յուրաքանչյուր տարվա տոնական օրվան նախորդող գիշերը:
