Արմավիրի մարզպետի աշխատակազմ

Արմավիրի մարզպետի աշխատակազմում մարզպետ Դավիթ Խուդաթյանն անցկացրեց հերթական աշխատանքային խորհրդակցությունը՝ աշխատակազմի ոլորտային ղեկավարների մասնակցությամբ:
Խորհրդակցության ընթացքում ստորաբաժանումների ղեկավարները ներկայացրին իրենց ոլորտներում նախորդ շաբաթվա ընթացքում կատարված աշխատանքները, ընթացիկ շաբաթվա անելիքները, հստակեցվեց աշխատանքային հերթական այցերի գրաֆիկը:
Աշխատանքային քննարկմանն անդրադարձ կատարվեց մարզի շինարարական օբյեկտներում կատարվող աշխատանքների ընթացքին, ներկայացվեց համաֆինանսավորմամբ իրականացվող ծրագրերի կատարողականների ճշգրտումները։
Գյուղատնտեսության և շրջակա միջավայրի պահպանության վարչության պետը ներկայացրեց խաղողի մթերման գործընթացը` նշելով, որ մթերումն արդեն ավարտական փուլում է:
Քննարկվեցին նաև մարզում ոռոգման ջրի և կրծողների դեմ պայքարին ուղղված հարցերը, անդրադարձ կատարվեց աշխատանքային այլ հարցերի ևս։