Արմավիրի մարզպետի աշխատակազմ

Համայնքային հերթական այցի շրջանակներում այսօր մարզպետ Դավիթ Խուդաթյանը Մեծամոր համայնքի ղեկավար Վահրամ Խաչատրյանի, մարզպետի աշխատակազմի և համայնքապետարանի ոլորտային պատասխանատուների հետ այցելել է Մեծամոր քաղաք՝ հետևելու Մեծամոր քաղաքի մուտքից ՀԱԷԿ տանող 10.7 կմ երկարությամբ ճանապարհի հիմնանորոգման աշխատանքներին:

Ճանապարհը կառուցվում է ՀՀ պետական բյուջեի միջոցներով, «Ճանապարհային դեպարտամենտ» հիմնադրամի պատվերով։

Ծրագրի արժեքը կազմում է 1 մլրդ 707 մլն դրամ: Շինարարական աշխատանքներն ընթացքի մեջ են, իրականացվում են սառը մշակման և ներքին շերտի ասֆալտապատման աշխատանքները։

Մեծամոր քաղաքում Դավիթ Խուդաթյանը հետևեց նաև թիվ 3 մանկապարտեզում իրականացվող հիմնանորոգման աշխատանքների ընթացքին։
2022 թվականին հավանության արժանացած սուբվենցիայի ծրագիր է, որի արժեքը կազմում է 459.7 միլիոն դրամ։ Մանկապարտեզը նախատեսված է մինչև 250 երեխայի համար։

Այժմ ընթանում են մանկապարտեզի ներքին հարդարման աշխատանքները, առաջիկայում կմեկնարկի բակի բարեկարգումը։
Մանկապարտեզը նախատեսված է շահագործման հանձնել 2025 թվականի առաջին կեսին։