Արմավիրի մարզպետի աշխատակազմ

Նախազորակոչային և զորակոչային տարիքի երիտասարդության շրջանում առողջ ապրելակերպի արմատավորման, դպրոցականների և երիտասարդության շրջանում իրականացվող ռազմահայրենասիրական դաստիարակության հետագա բարելավման նպատակով Հայաստանի Հանրապետությունում անցկացվող ռազմամարզական խաղերի շրջանակում Արմավիրի մարզի Արգավանդի միջնակարգ դպորցի թիմը հաղթող է ճանաչվել է մասնակցելու է հանրապետական փուլին:

Մրցույթներն անցկացվել են 3 փուլով՝ ներդպրոցական, համայնքային, մարզային։
Ռազմամարզական խաղերին մասնակցել են հանրակրթական դպրոցների 9-12-րդ դասարանցիներից ձևավորված թիմերը։ Թիմերի կազմերում հանդես են եկել 9-ական տղա մարզիկ:

ՀՀ Արմավիրի մարզում ռազմամարզական խաղերի մարզային փուլն անցկացվել է հոկտմեբերի 14-ին, որին մասնակցել է 6 թիմ։

Մրցապայքարը տեղի է ունեցել ռազմամարզական խաղերի ծրագրով նախատեսված նռնակի նետում հեռավորության վրա, 8 կիլոգրամանոց ուսապարկով փոխանցավազք, ձգումներ պտտաձողից, վազք 1000 մետր, հրաձգություն օդամղիչ հրացանով և ինքնաձիգի ոչ լրիվ քանդում-հավաքում վարժաձևերից։

Նշենք, որ մարզային փուլերում հաղթած թիմերը հոկտեմբերի 23-ին Արմավիրի Մարշալ Բաղրամյանի անվան ուսումնական զորամասում կմասնակցեն ռազմամարզական խաղերի հանրապետական եզրափակիչ փուլին: