Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Կայացավ Արմավիրի մարզի պետական ու տեղական ինքնակառավարման մարմինների աշխատակիցների միջև անցկացվող ֆուտբոլի առաջնության եզրափակիչ խաղը
30.10.2024
Այսօր մարզպետ Դավիթ Խուդաթյանը ներկա է գտնվել Արմավիրի մարզի պետական ու տեղական ինքնակառավարման մարմինների աշխատակիցների միջև անցկացվող ֆուտբոլի առաջնության եզրափակիչ խաղին:
Միջոցառմանը ներկա էին համայնքի ղեկավարները, պետական ու տեղական ինքնակառավարման մարմինների աշխատակիցները, ֆուտբոլի երկրպագուները:
Խաղերն անցկացվում էին ՀՖՖ֊ի հետ համատեղ ֆինանսավորմամբ կառուցված Մրգաստանի, Սարդարապատի և Մրգաշատի խաղադաշտերում։
Շուրջ մեկ ամիս տևած առաջնությանը մարզի 17 թիմերի միջև դիտարժան խաղերի արդյունքում այսօր հաղթող ճանաչվեց «Հայկական ատոմային էլեկտրակայան» ՓԲԸ-ի թիմը:
Երկրորդ մրցանակի արժանացավ Արմավիրի համայնքապետարանի թիմը, իսկ երրորդ մրցանակակիր դարձավ ՌԴ սահմանապահ վարչության Արմավիրի զորամասի թիմը:
Սահմանվել էին նաև անհատական մրցանակներ, ըստ որի առաջնության լավագույն մարզիչ ճանաչվեց ՀԱԷԿ-ի մարզիչ Յուրա Հովհաննիսյանը, իսկ առաջնության լավագույն խաղացող և ռմբարկու ճանաչվեց մարզի դատախազ Վահան Սարգսյանը (32 գոլ):
Մարզպեն իր խոսքում շնորհավորեց բոլոր մասնակիցներին և հաղթող թիմերին՝ կարևորելով մարզում սպորտի մասսայականացման, առողջ ապրելակերպի խրախուսման և տարածման նպատակով անցկացվող սպորտային մրցաշարերը։
