Արմավիրի մարզպետի աշխատակազմ

Արմավիրի մարզպետ Դավիթ Խուդաթյանը ՀՀ տարածքային կառավարման և ենթակառուցվածքների նախարար Գնել Սանոսյանի, «Ճանապարհային դեպարտամենտ» հիմնադրամի գործադիր տնօրեն Արմեն Զոհրաբյանի, Արմավիրի մարզպետի տեղակալ Խաչատուր Մկրտչյանի, մարզի համայքների ղեկավարների հետ հետևել է պետական բյուջեի միջոցներով և համաֆինանսավորման ծրագրով իրականացվող շինարարական աշխատանքների ընթացքին։

Նախարար Գնել Սանոսյանի գլխավորությամբ նրանք այցելել են Էջմիածին, Արմավիր, Մեծամոր քաղաքներ, Մրգաշատ, Հայկավան, Արևիկ, Բաղրամյան, Գրիբոյեդով բնակավայրեր, շրջայց կատարել շինարարական օբյեկտներում, ծանոթացել շինարարական աշխատանքների ընթացքին, նախագծային լուծումներին։

Նախարարը շինարարներին հորդորել է աշխատանքներն իրականացնել որակով և օրացուցային գրաֆիկով սահմանված ժամկետում հանձնել շահագործման։