Արմավիրի մարզպետի աշխատակազմ

Երևան ֊ Արմավիր միջպետական ճանապարհի Էջմիածին քաղաքի տարածքում՝ թունելի հատվածում ընթանում են երկկողմանի ճանապարհի հիմնանորոգման աշխատանքներ։

Շինարարական աշխատանքներն իրականացվում են ՀՀ պետական բյուջեի միջոցներով՝ «Ճանապարհային դեպարտամենտ» հիմնադրամի պատվերով։

Ճանապարհի կառուցման հողային աշխատանքներն ավարտվել են, ընթանում է ասֆալտի ներքին շերտի տեղադրումը։ Վերին շերտի ասֆալտապատումը և ճանապարհի շահագործման հանձնելը նախատեսված է նոյեմբեր ամսվա ընթացքում։

Արմավիրի մարզպետի տեղակալ Խաչատուր Մկրտչյանի, շինարարական կազմակերպության պատասխանատուների հետ մարզպետ Դավիթ Խուդաթյանը տեղում հետևել է շինարարական աշխատանքների ընթացքին, քննարկել նախագծային լուծումները։