Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Այսօր Քարակերտի թիվ 2 միջնակարգ դպրոցում բացվեց «Արմաթ» ճարտարագիտական աշխատանոց
22.11.2024
Այսօր Արմավիրի մարզպետի աշխատակազմի կրթության, մշակույթի և սպորտի վարչության պետ Սոնյա Բուդաղյանը մասնակցեց Բաղրամյան համայնքի Քարակերտ բնակավայրի թիվ 2 միջնակարգ դպրոցի «Արմաթ» ճարտարագիտական աշխատանոցի բացման հանդիսավոր արարողությանը։
Միջոցառմանը ներկա էին նաև մարզպետի աշխատակազմի և համայնքապետարանի ոլորտային պատասխանատուները, ուսուցիչները, աշակերտներ, հյուրեր և այլոք:
Աշխատանոցը բացվել է Բաղրամյան համայնքի և մասնավորի հետ համագործակցության արդյունքում:
Ողջունելով ներկաներին և շնորհակալություն հայտնելով «Արմաթ»-ի բացման աջակիցներին` Սոնյա Բուդաղյանն իր խոսքում կարևորեց ծրագրի նշանակությունը:
Ծրագրի շնորհիվ դպրոցականները ոչ միայն մասնագիտական կողմնորոշում կունենան, այլև կստանան անվճար տեխնոլոգիական կրթություն, կսովորեն ծրագրավորում, ռոբոտաշինություն, եռաչափ մոդելավորում և այլն:
