Արմավիրի մարզպետի աշխատակազմ

Այսօր ՀՀ տարածքային կառավարման և ենթակառուցվածքների նախարար Դավիթ Խուդաթյանն Արմավիրի մարզպետի աշխատակազմին է ներկայացրել նորանշանակ մարզպետ Արգիշտի Մեխակյանին։

Հանդիպմանը մասնակցում էին մարզի համայնքների ղեկավարները, ուժային կառույցների ղեկավարները, մարզպետի աշխատակազմի ոլորտային պատասխանատուները, բժշկական կենտրոնների տնօրենները։

Նախարարն իր խոսքում շնորհավորել է Արգիշտի Մեխակյանին մարզպետի պաշտոնում նշանակվելու առիթով՝ ընդգծելով, որ նա ծանոթ է մարզին, մարզի խնդիրներին և կկարողանա լավագույնս իրականացնել մարզպետի գործառույթները, լուծել իր առջև դրված խնդիրները։

Դավիթ Խուդաթյանը նաև շնորհակալություն է հայտնել մարզի գործընկերներին, Արմավիրի մարզի բնակիչներին՝ համատեղ աշխատանքի համար։

Արմավիրի մարզպետ Արգիշտի Մեխակյանը շնորհակալություն հայտնեց ՀՀ վարչապետին, Կառավարությանը վստահության համար և նշեց, որ, ստանձնելով Արմավիրի մարզպետի պաշտոնը, ամեն ինչ անելու է, որպեսզի արդարացնի Արմավիրի մարզի բնակիչների ակնկալիքները: