Արմավիրի մարզպետի աշխատակազմ

Մարզպետ Արգիշտի Մեխակյանն Արմավիրի մարզպետի աշխատակազմում անցկացրեց աշխատանքային խորհրդակցություն` աշխատակազմի ոլորտային ղեկավարների մասնակցությամբ:

Խորհրդակցության ընթացքում ստորաբաժանումների ղեկավարները ներկայացրին իրենց ոլորտներում նախորդ և ընթացիկ շաբաթվա կատարված և կատարվելիք աշխատանքները, առաջիկա պլանավորումները։

Մարզի ղեկավարը հանձնարարեց կարճ ժամկետներում գույքագրել և ներկայացնել մարզպետի աշխատակազմի ենթակայությամբ գործող շենք-շինությունների վիճակը, ցուցակագրել առկա խնդիրները։
Խորհրդակցության ընթացքում ոլորտային մասնագետները զեկուցեցին նաև ճանապարհների ձմեռային պահպանման գործընթացի, նախապատրաստական աշխատանքների մասին։

Անդրադարձ կատարվեց աշխատանքային այլ հարցերի ևս։

Բարձրացված հարցերի և խնդիրների վերաբերյալ Արգիշտի Մեխակյանը ստորաբաժանումների ղեկավարներին տվեց համապատասխան ցուցումներ և հանձնարարականներ։