Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարզպետ Արգիշտի Մեխակյանը հանդիպում է ունեցել Գյումրու Տեղեկատվական Տեխնոլոգիաների Կենտրոնի գործադիր տնօրեն Ամալյա Եղոյանի հետ
17.12.2024
Աշխատանքային օրվա ընթացքում մարզպետ Արգիշտի Մեխակյանը հանդիպում է ունեցել Գյումրու Տեղեկատվական Տեխնոլոգիաների Կենտրոնի գործադիր տնօրեն Ամալյա Եղոյանի հետ:
Հանդիպման նպատակն էր GITC-ում SheCan ծրագրի շրջանակներում «Սոցիալական պաշտպանություն, ներառում և հզորացում» ծրագրի մեկնարկը, որը հանդիսանում է կանանց հզորացման հերթական կարևոր նախաձեռնությունը:
Այն իրականացնելու է «Դիմոքրըսի Ինթերնեյշնլ» կազմակերպությունը ԱՄՆ Միջազգային զարգացման գործակալության (ԱՄՆ ՄԶԳ) ֆինանսավորմամբ։
Ամալյա Եղոյանը հանդիպման ընթացքում ներկայացրեց ծրագիրը, պայմանները, առաջիկա անելիքները:
Կարևորելով մարզում կանանց զբաղվածության, ինչպես նաև ակտիվության, նախաձեռնողականության հարցը՝ մարզի ղեկավարը ողջունեց իրականացվող ծրագիրը՝ պատրաստակամություն հայտնելով աջակցել նախաձեռնությանը՝ զարգացնելով համագործակցությունը տարբեր ուղղություններով:
Նշենք, որ ծրագրի նպատակն է աջակցել կանանց նոր մասնագիտական հմտություններ ձեռք բերելու, բիզնես սկսելու և աշխատանքային առաջխաղացում ունենալու գործում։
Ծրագրի մասին լրացուցիչ տեղեկատվությունն ու հայտարարությունն առաջիկայում կտեղադրվի Արմավիրի մարզպետ աշխատակազմի պաշտոնական կայքէջերում:
