Արմավիրի մարզպետի աշխատակազմ

Արմավիրի մարզպետի աշխատակազմում այսօր մարզպետ Արգիշտի Մեխակյանն անցկացրեց տարեվերջյան աշխատանքային խորհրդակցություն` աշխատակազմի ոլորտային ղեկավարների մասնակցությամբ:

Խորհրդակցության ընթացքում ստորաբաժանումների ղեկավարները ներկայացրին իրենց ոլորտներում անցած շաբաթվա կատարված աշխատանքները, զեկուցեցին նախորդ խորհրդակցության ընթացքում տրված հանձնարարականների կատարողականի արդյունքները:
Քաղաքաշինության, հողաշինության և ենթակառուցվածքների կառավարման վարչության պետը զեկուցեց ձմեռային ժամանակահատվածում մարզի ճանապարհները սպասարկող կազմակերպությունների կողմից միջպետական, հանրապետական, մարզային և համայնքային նշանակության ավտոճանապարհներին իրականացվող մաքրման և մշակման աշխատանքների մասին՝ ներկայացնելով մարզում ճանապարհների ձմեռային պահպանման գործընթացը՝ նշելով, որ մարզում դժվարանցանելի կամ փակ ճանապարհներ չկան:

Համապատասխան ստորաբաժանման ներկայացուցիչներին մարզի ղեկավարը հանձնարարեց հետևողական աշխատանք տանել սպասարկող կազմակերպությունների կողմից իրականացվող աշխատանքներում, որպեսզի խնդիր չստեղծվի ճանապարհատրանսպորտային երթևեկության համար։

Անդրադարձ կատարվեց աշխատանքային այլ հարցերի ևս։

Բարձրացված հարցերի և խնդիրների վերաբերյալ ստորաբաժանումների ղեկավարներին Արգիշտի Մեխակյանը տվեց համապատասխան ցուցումներ և հանձնարարականներ։