Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ վարչապետ Նիկոլ Փաշինյանը ներկա է գտնվել Փարաքարի նորակառույց միջնակարգ դպրոցի բացմանը
17.01.2025
Վարչապետ Նիկոլ Փաշինյանի գլխավորությամբ ՀՀ ՏԿԵ նախարար Դավիթ Խուդաթյանը, ՀՀ ԿԳՄՍ նախարար Ժաննա Անդրեասյանը, ՀՀ Արմավիրի մարզպետ Արգիշտի Մեխակյանը, բարձրաստիճան այլ հյուրեր այսօր մասնակցել են Փարաքարի նորակառույց միջնակարգ դպրոցի բացման արարողությանը:
Վարչապետը շրջայցի ընթացքում ծանոթացել է իրականացված աշխատանքներին և դպրոցում ստեղծված պայմաններին:
Դպրոցը հագեցվել է ժամանակակից սարքավորումներով և գույքով:
Ծրագրի արժեքը 2 մլրդ 189,9 մլն դրամ է: Դպրոցը կառուցվել է ՀՀ Կառավարության համաֆինանսավորմամբ, Ասիական զարգացման բանկի Սեյսմիկ անվտանգության բարելավման ծրագրով: Այն նախատեսված է 576 աշակերտի համար:
Վարչապետը շնորհավորել է ներկաներին հոյակերտ դպրոցի շինարարության ավարտի առիթով՝ նշելով. «Շնորհակալություն եմ հայտնում բոլորին, ովքեր մասնակցություն են ունեցել այս դպրոցի կառուցման, ստեղծման գործին, և առաջին հերթին շնորհավորել աշակերտներին, ուսուցիչներին, փարաքարցիներին, հետո մեզ բոլորիս և Հայաստանի Հանրապետությանը հերթական դպրոցի բացման առիթով»:
Մարզպետ Արգիշտի Մեխակյանն իր խոսքում ևս ողջունել և շնորհավորել է բոլորին այս կարևոր իրադարձության առիթով և նշել, որ դպրոցաշինությունը միշտ եղել և մնում է երկրի զարգացման և առաջընթացի անկյունաքարերից մեկը:
