Արմավիրի մարզպետի աշխատակազմ

Այսօր աշխատանքային հերթական այցով մարզպետ Արգիշտի Մեխակյանը եղել է Արմավիր համայնքի Խանջյան բնակավայրում՝ հետևելու մանկապարտեզի շենքի հիմնանորոգման աշխատանքների ընթացքին:

Համայնքի ղեկավար Վարշամ Սարգսյանի, մարզպետի աշխատակազմի և համայնքապետարանի ոլորտային ղեկավարների հետ մարզպետը  շրջեց շինարարական օբյեկտում, ծանոթացավ իրականացված և իրականացվող աշխատանքներին, նախագծային լուծումներին, ժամկետներին՝ կարևորելով աշխատանքների իրականացման բարձր որակը, ինչպես նաև նախանշված ժամկետներում ավարտելու կարևորությունը:

Մանկապարտեզը հիմնանորոգվում է 2023թ. սուբվենցիոն ծրագրի շրջանակներում:

Ծրագրով նախատեսվում է հիմնանորոգել մանկապարտեզի շենքը, կառուցել գազամատակարարման ցանց, ջեռուցման համակարգ, ջրամատակարարման, ջրահեռացման և էլեկտրամատակարարման ցանցեր։

Ընդհանուր արժեքը 387.8 մլն ՀՀ դրամ է:

Ֆինանսավորումն իրականացվելու է 70% պետական բյուջեի և 30% համայնքի համաֆինանսավորմամբ։

Հիմնանորոգվող մանկապարտեզն ունի 2 794 քմ մակերես, նախատեսված է մինչև 90 երեխայի համար:

Շինարարական աշխատանքներն ընթացքի մեջ են: