Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Ներկայացվել են Միջազգային գործարար կապերի աջակցման խորհրդի (IBRS) կողմից առաջարկվող ծրագրերը
04.02.2025
ՀՀ Արմավիրի մարզպետի աշխատակազմում այսօր տեղի է ունեցել հանդիպում՝ մարզպետ Արգիշտի Մեխակյանի, Միջազգային գործարար կապերի աջակցման խորհրդի ներկայացուցիչների (IBRS), Արմավիրի մարզում ալկոհոլային խմիչքների արտադրությամբ զբաղվող գործարարների և մարզպետի աշխատակազմի ոլորտային պատասխանատուների մասնակցությամբ։
Ողջունելով ներկաներին՝ մարզպետ Արգիշտի Մեխակյանը կարևորել է նման հանդիպումների միջոցով համագործակցություն սկսելու և զարգացնելու հեռանկարները՝ ընդգծելով դրանց նշանակությունը մարզի տնտեսական կյանքում։
Միջազգային գործարար կապերի աջակցման խորհրդի գործադիր տնօրեն Տիգրան Ղազարյանը ներկայացնելով կազմակերպության պատմությունը, իրականացվող ծրագրերը՝ նշել է, որ կազմակերպությունը բիզնես կարողությունների զարգացման, ներդրումների և ֆինանսական աջակցությունների ներգրավման, ինչպես նաև արտահանման օժանդակման միջազգային հասարակական կազմակերպություն է, որը վերոնշյալ ոլորտներում ունի արդյունավետ գործունեության ավելի քան 15-ամյա փորձ։
Աշխատանքային հանդիպման ընթացքում, ի թիվս վերոնշյալի, ներկայացվել է նաև սույն թվականի ապրիլ ամսվա ընթացքում կայանալիք ԱՄՆ և ԵՄ (Ավստրիա, Չեխիա, Իտալիա) բիզնես այցերի ծրագրերը։
Հանդիպումն ամփոփվել է համագործակցության ծրագրերի շուրջ պայմանավորվածություններով և փոխադարձ հետաքրքրություն ներկայացնող հարցերի քննարկմամբ:
