Արմավիրի մարզպետի աշխատակազմ

 Այսօր մարզպետ Արգիշտի Մեխակյանն անցկացրեց հերթական աշխատանքային խորհրդակցությունն Արմավիրի մարզպետի աշխատակազմի ոլորտային ղեկավարների մասնակցությամբ:

Խորհրդակցության ընթացքում մարզպետին ներկայացվեց ՀՀ պետական գույքի կառավարման կոմիտեին ՀՀ Արմավիրի մարզպետի աշխատակազմի ենթակայությամբ գործող հանրակրթական ուսումնական հաստատությունների կողմից անշարժ գույքի հանձնման գործընթացի վերաբերյալ տեղեկատվությունը, այնուհետև քննարկվեցին աշխատանքային այլ հարցեր ևս, որոնց վերաբերյալ մարզի ղեկավարը ստորաբաժանումների ղեկավարներին տվեց համապատասխան ցուցումներ և հանձնարարականներ։