Արմավիրի մարզպետի աշխատակազմ

Աշխատանքային օրվա ընթացքում Արմավիրի մարզպետ Արգիշտի Մեխակյանը Բաղրամյան համայնքի ղեկավար Շանթ Առաքելյանի, մարզպետի աշխատակազմի և համայնքապետարանի ոլորտային պատասխանատուների հետ այցելել է Բաղրամյան համայնքի Բագարան և Երվանդաշատ բնակավայրեր։

Բագարան բնակավայրում մարզի ղեկավարն այցելել է նախկին կենցաղի տան տարածք, որն այժմ վերանորոգվում է որպես հանդիսությունների սրահ և շինարարական աշխատանքների ավարտից հետո կծառայի սահմանամերձ Բագարանի և հարակից բնակավայրերի բնակիչների համար:

2023թ․ հավանության արժանացած սուբվենցիոն ծրագիր է՝ 39․6 մլն դրամ արժեքով, որի 60%-ը համաֆինանսավորվելու է պետական բյուջեից, իսկ 40%-ը՝ համայնքային բյուջեից։

Շինարարական աշխատանքները գտնվում են ավարտական փուլում։
Շրջայցի ընթացքում Արգիշտի Մեխակյանը ծանոթացել է իրականացված աշխատանքներին, նախագծային լուծումներին և առաջիկա անելիքներին։
Հաջորդիվ մարզպետն այցելել է Բագարան և Երվանդաշատ բնակավայրերի միջնակարգ դպրոցներ, որտեղ դպրոցների տնօրենների ուղեկցությամբ շրջել է ուսումնական հաստատություններում, ծանոթացել շենքային պայմաններին, առկա խնդիրներին, ուսումնական գործընթացի կազմակերպման ընթացքին և զրուցել ուսուցիչների ու աշակերտների հետ։