Արմավիրի մարզպետի աշխատակազմ

ՀՀ ՊՆ Վ. Սարգսյանի անվան ռազմական ակադեմիայում ՀՀ մարզերի դպրոցականների ներգրավմամբ ուսումնական պարապմունքներ անցկացնելու նպատակով մարտի 10-14-ը ակադեմիա են այցելել մարզի հանրակրթական դպրոցների ավագ դասարանների շուրջ 468 աշակերտ և 20 զինղեկ:

Դպրոցականները նախապես կազմված օրվա կարգացուցակի համաձայն շրջել են ռազմական կրթօջախի տարածքում, ծանոթացել են ակադեմիայի ընդունելության կարգին, ռազմակրթական նորացված ծրագրերին, կեցության պայմաններին, ուսումնանյութական բազային: Աշակերտներին ներկայացվել է նաև պետության կողմից զինծառայողներին տրամադրվող բազմաթիվ արտոնությունները և սոցիալական երաշխիքները։

Ակադեմիայի սպաներն ու դասախոսները պատասխանել են աշակերտներին հետաքրքրող հարցերին, ներկայացրել են սպա դառնալու առավելություններն ու ռազմական ակադեմիայում ուսանելու առանձնահատկությունները: