Արմավիրի մարզպետի աշխատակազմ

Արմավիրի համայնքապետարանի շախմատի մարզադպրոցում այսօր մեկնարկել է մարզպետ Արգիշտի Մեխակյանի նախաձեռնությամբ կազմակերպված «ՀՀ Արմավիրի մարզպետի գավաթ» շախմատի մրցաշարը, որին մասնակցում են Արմավիրի մարզի պետական և տեղական ինքնակառավարման մարմինների աշխատակազմերի աշխատակիցները։

Արգիշտի Մեխակյանը ողջունել է ներկաներին, հաջողություններ մաղթել մասնակից թիմերին և նշել, որ ցանկալի է վերականգնել ավանդութը, և մրցաշարը դարձնել ամենամյա։

Մրցաշարին մասնակցում են 11 թիմեր։ Մարզպետ Արգիշտի Մեխակյանի` խորհրդանշական առաջին քայլը կատարելով` խաղը մեկնարկեց։

Հավելենք, 1-3–րդ տեղ գրավող թիմերը կպարգևատրվեն ՀՀ Արմավիրի մարզպետի պատվոգրերով, մեդալներով ու գավաթով։

Մրցաշարի առաջին օրվա արդյունքներն են՝

•  «Արմավիր» ՋՕԸ-2,5-Արմավիրի մարզի դատախազություն-1,5
• Մարզպետի աշխատակազմ-3-Արմավիրի համայնքապետարան-1
•  Խոյի համայնքապետարան-3–«Շենիկ» ՋՕԸ -1
• ՀԱԷԿ-4–Գազպրոմ Արմենիա -0
• Մեծամորի համայնքապետարան-4–Փարաքարի համայնքապետարան-0: