Արմավիրի մարզպետի աշխատակազմ

Ոստիկանության հարգելի՛ աշխատակիցներ, վետերաններ, ջերմորեն շնորհավորում եմ բոլորիդ՝ մասնագիտական տոնի՝ Ոստիկանության օրվա առթիվ:

Որպես պետականության հենասյուներից մեկը՝ դուք ձեր ամենօրյա ծառայությամբ, հաճախ դիմագրավելով դժվարություններ, վտանգներ՝ մեծ պատասխանատվությամբ և պատվով հաղթահարում եք ամենօրյա մարտահրավերները, որն էլ հասարակության հանդեպ վստահության ամրապնդմանն ու պետականության կայացման կարևոր բաղադրիչներն են։

Հարգելի՛ ոստիկաններ, այս օրը մեծ հնարավորություն է՝ արժանին մատուցելու մեր երկրի իրավակարգի պահպանության, հասարակական կարգի ամրապնդման և քաղաքացիների անվտանգությունն ապահովելու ձեր կարևոր և պատասխանատու առաքելությանը։

Թող ձեր ծառայությունը լինի անվտանգ: Ձեզ մաղթում եմ առողջություն, ուժ և համբերությունը՝ ի շահ մեր երկրի խաղաղության ու կայունության։

Շնորհակալություն եմ հայտնում բոլոր ոստիկաններին՝ իրենց նվիրվածության, արհեստավարժության և հայրենասիրության համար։