Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հուշ–ցերեկույթ՝ նվիրված գրող Հովհաննես Հովհաննիսյանին
28.04.2025
Արմավիրի մարզի Վաղարշապատի Հովհաննես Հովհաննիսյանի անունը կրող N3 հիմնական դպրոցում այսօր տեղի է ունեցել «Եղեգան փող» խորագիրը կրող միջոցառումը, որին ներկա են գտնվել Վաղարշապատի համայնքապետ Դիանա Գասպարյանը և Արմավիրի մարզպետի աշխատակազմի կրթության, մշակույթի և սպորտի վարչության պետ Սոնյա Բուդաղյանը։
Դպրոցի աշակերտների, ուսուցիչների և մանկավարժների մասնակցությամբ և Հովհաննես Հովհաննիսյանի տուն–թանգարանի հետ համագործակցությամբ կազմակերպված միջոցառմանը հնչել են մեծ գրողի ստեղծագործությունները, ցուցադրվել է փաստավավերագրական ֆիլմ՝ հանրությանը ներկայացնելով գրողի մասին մինչ օրս քիչ հայտնի թարգմանություններ, մանկավարժական գործունեության վերաբերյալ փաստեր։
Սոնյա Բուդաղյանը մարզպետ Արգիշտի Մեխակյանի անունից ողջունել է միջոցառման մասնակիցներին` կարևորելով նման ցերեկույթների կրթադաստիարակչական դերը դպրոցականների կյանքում։
