Պաշտոնական էլ. փոստ
(միայն www.e-citizen.am համակարգով ծանուցումների համար)
Տպել
Տեղեկատվական կենտրոն
Նորություններ
Կայացել է «Հայաստանի Հանրապետության Վարչապետի գավաթ» դպրոցականների թիմային խճուղավազքի Արմավիրի մարզային փուլը
02.05.2025
ՀՀ Արմավիրի մարզի Արաքս բնակավայրում այսօր կայացել է «Հայաստանի Հանրապետության Վարչապետի գավաթ» դպրոցականների թիմային խճուղավազքի Արմավիրի մարզային փուլը, որին մասնակցել է 40 դպրոցի 280 աշակերտ:
Ինչպես նախորդ երեք տարիներին, այս տարի ևս հաղթող է ճանաչվել Ջրառատի Թ. Խաչատրյանի անվան միջնակարգ դպրոցի թիմը։ Իսկ Մայիսյանի և Առատաշենի Գագիկ Գրիգորյանի անվան միջնակարգ դպրոցների թիմերը համապատասխանաբար զբաղեցրել են 2-րդ և 3-րդ մրցանակային տեղերը:
Մարզային փուլում հաղթող ճանաչված թիմը սույն թվականի մայիսի 17-ից 18–ը Տավուշի մարզի Դիլիջանի Պարզ լիճ տանող ճանապարհին կմասնակցի «Հայաստանի Հանրապետության Վարչապետի գավաթ» դպրոցականների թիմային խճուղավազքի եզրափակիչ փուլին:
