Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Արմավիրի մարզի տարբեր համայնքապետարանների 50 համայնքային ծառայողներ մասնակցում են համայնքային ծառայողների վերապատրաստման դասընթացին
20.05.2025
2025 թվականի մայիսի 13-ից ՀՀ ՏԿԵ նախարարության նախաձեռնությամբ ՀՀ Արմավիրի մարզպետի աշխատակազմի վարչական շենքում ՀՀ Պետական կառավարման ակադեմիայի կողմից անցկացվում է համայնքային ծառայողների վերապատրաստման դասընթաց:
Աշխատանանքերը մարզում համակարգում է Արմավիրի մարզպետի աշխատակազմի տարածքային կառավարման և տեղական ինքնակառավարման հարցերի վարչությունը:
Դասընթացին մասնակցում են Արմավիրի մարզի տարբեր համայնքապետարանների 50 համայնքային ծառայողներ։ Վերապատրաստման հիմնական նպատակը համայնքային ծառայողների մասնագիտական կարողությունների կատարելագործումն է, տեղական ինքնակառավարման համակարգի արդյունավետության բարձրացումը, ինչպես նաև ժամանակակից կառավարման մեխանիզմների և օրենսդրական նորամուծությունների փոխանցումը։
Դասընթացների ժամանակ քննարկվող թեմաները վերաբերում են ՀՀ սահմանադրությանը, համայնքային բյուջեներին առնչվող հարցերին, համայնքային ծառայողի իրավունքներին ու պարտականություններին, իրավական ակտերի մասին ՀՀ օրենքներին, կառավարչական հմտություններին` տեղական ինքնակառավարման համակարգում:
Դասընթացների ընթացքում մասնակիցներին ներկայացվում են համայնքային կառավարման գործնական ու տեսական տարբեր ոլորտներ, քննարկվում են համայնքների առջև ծառացած արդիական խնդիրները, ինչպես նաև նրանց լուծման հնարավոր ուղիները։
