Արմավիրի մարզպետի աշխատակազմ

Համայնքային այցերի շրջանակում մարզպետ Արգիշտի Մեխակյանը Բաղրամյան համայնքի ղեկավար Շանթ Առաքելյանի, մարզպետի աշխատակազմի և համայնքապետարանի ոլորտային պատասխանատուների հետ այցելել է Վանանդ բնակավայր՝ ծանոթանալու կառուցվող կրթահամալիրի շինարարական աշխատանքների ընթացքին։

432 սանի համար նախատեսված կրթահամալիրի կառուցման արժեքը կազմում է մոտ 2 մլրդ 740 մլն ՀՀ դրամ։ Պատվիրատուն Հայաստանի տարածքային զարգացման հիմնադրամն է։

Մարզի ղեկավարը շրջել է շինհրապարակում, զրուցել շինարարական կազմակերպության պատասխանատուների հետ, քննարկել է նախագծային լուծումները՝ կարևորելով պայմանագրային պարտավորությունների պատշաճ կատարումը և սահմանված ժամկետների պահպանումը։