Արմավիրի մարզպետի աշխատակազմ

Սիրելի՛ երեխաներ,
Սրտանց շնորհավորում եմ ձեզ աշխարհի ամենաջերմ, գունեղ ու լուսավոր տոներից մեկի՝ Երեխաների իրավունքների պաշտպանության միջազգային օրվա առթիվ։
Թերևս այս տոնը մեր տոնացույցի ամենաուրախ և սպասված օրերից է, որն իր խորությամբ և իմաստով զարդարում է օրվա խորհուրդը։
Սիրելի՛ ծնողներ, մեր երեխաների անհոգ ներկան և առավել ևս՝ անվտանգ ու երջանիկ ապագան կերտելն առանցքային առաքելություն է մեզ համար։ Նրանք են մեր երկրի վաղվա օրը, և այդ օրը սկսվում է հենց այսօր՝ լիարժեք կրթությամբ, ապահով միջավայրում, ազգային արժեքների նկատմամբ սիրով ու հարգանքով։
Սիրելի՛ փոքրիկներ, ցանկանում եմ ձեզ անհոգ մանկություն, խաղաղություն, սեր ու հոգատարություն։ Թող ձեր աչքերը երբեք չկորցնեն պայծառ փայլը, ձեր ժպիտները՝ անսահման ուրախությունը, և թող ձեր մանկական սրտերը սեր ու բարություն սփռեն՝ դարձնելով աշխարհը ավելի լուսավոր ու հանդուրժող։
Շնորհավոր Երեխաների իրավունքների պաշտպանության միջազգային օրը։