Արմավիրի մարզպետի աշխատակազմ

Գերմանիայի Դաշնային Հանրապետություն կատարած աշխատանքային այցի շրջանակում ՀՀ տարածքային կառավարման և ենթակառուցվածքների նախարար Դավիթ Խուդաթյանը հանդիպում է ունեցել Սաքսոնիա-Անհալթ երկրամասի Լանդթագի նախագահ Գունար Շելենբերգերի հետ։
Հանդիպման ընթացքում քննարկվել են մարզերի և քաղաքների միջև ապակենտրոնացված համագործակցության խորացման հնարավորությունները։ Նախարարը հատուկ ընդգծել է, որ մարզերի համագործակցությունը նպաստում է փորձի փոխանակմանը, տեղական ինքնակառավարման կարողությունների զարգացմանը և համատեղ նախաձեռնությունների իրականացմանը։
Կողմերն անդրադարձել են նաև տնտեսական, կրթական և մշակութային ուղղություններով համագործակցության զարգացման հեռանկարներին։
Հանդիպման ավարտին նախարար Խուդաթյանը գրառում է կատարել Լանդթագի պատվո հյուրերի մատյանում։
Հանդիպմանը մասնակցել է նաև Գերմանիայի Դաշնային Հանրապետությունում Հայաստանի Հանրապետության արտակարգ և լիազոր դեսպան Վիկտոր Ենգիբարյանը։