Արմավիրի մարզպետի աշխատակազմ

Արմավիրի մարզպետ Արգիշտի Մեխակյանն այսօր անցկացրել է աշխատանքային հերթական խորհրդակցությունը՝ աշխատակազմի ոլորտային ղեկավարների մասնակցությամբ։
Խորհրդակցության ընթացքում ստորաբաժանումների ղեկավարները ներկայացրել են նախորդ շաբաթվա ընթացքում իրենց ոլորտներում իրականացված աշխատանքների ամփոփումը։
Քննարկվել են մարզում իրականացվող սուբվենցիոն ծրագրերի ընթացքը, կատարված աշխատանքների փաստաթղթավորման ընթացակարգերը, ինչպես նաև իրավական բնույթի հարցեր։
Իրավաբանական բաժնի պետը ներկայացրել է տեղեկատվություն այն դատական գործերի վերաբերյալ, որոնցում մարզպետի աշխատակազմը հանդես է եկել որպես պատասխանող կողմ։
Քննարկվել են նաև մի շարք ընթացիկ հարցեր, որոնց կապակցությամբ ստորաբաժանումների ղեկավարներին տրվել են համապատասխան հանձնարարականներ և ուղենշումներ։