Արմավիրի մարզպետի աշխատակազմ

Մարզպետ Արգիշտի Մեխակյանն այսօր ընդունել է Արմավիր համայնքի ղեկավար Վարշամ Սարգսյանին և համայնքապետարանի աշխատակիցներին։ Ներկա են գտնվել նաև մարզպետի աշխատակազմի ոլորտային պատասխանատուները:
Մարզպետին ներկայացվել են Արմավիր համայնքում պետական բյուջեով և համայնքների տնտեսական ու սոցիալական զարգացմանն ուղղված սուբվենցիոն ծրագրերով ավարտական, ընթացիկ և նախնական փուլերում գտնվող աշխատանքները, քննարկվել են դրանց վերաբերյալ մի շարք հարցեր։
Կարևորելով ներկայացված ծրագրերի կենսական նշանակությունը բնակիչների կյանքում՝ Արգիշտի Մեխակյանը նշել է, որ անհրաժեշտ է ուշադրության կենտրոնում պահել այդ բոլոր աշխատանքների նկատմամբ վերահսկողությունը՝ պահպանելով աշխատանքի որակի չափորոշիչները և կատարման ժամկետները։