Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Այսօր Արմավիրի մարզպետ Արգիշտի Մեխակյանը hանդիպել է Խոյ համայնքի ղեկավար Լյուդվիկ Յայլոյանին և համայնքապետարանի աշխատակիցներին
09.07.2025
Այսօր Արմավիրի մարզպետ Արգիշտի Մեխակյանը hանդիպել է Խոյ համայնքի ղեկավար Լյուդվիկ Յայլոյանին և համայնքապետարանի աշխատակիցներին։ Քննարկմանը մասնակցել են նաև մարզպետի աշխատակազմի ոլորտային բաժինների պատասխանատուները։
Հանդիպման ընթացքում ներկայացվել է համայնքում իրականացվող ծրագրերի ընթացիկ պատկերը։ Մասնավորապես՝ անդրադարձ է կատարվել պետական ֆինանսավորմամբ և սուբվենցիոն միջոցներով իրականացվող այն աշխատանքներին, որոնք գտնվում են տարբեր փուլերում՝ նախնականից մինչև ավարտական։ Քննարկվել են առկա խնդիրներն ու ծրագրերի պատշաճ իրականացման հնարավոր լուծումները։
Մարզի ղեկավարն ընդգծել է իրականացվող ծրագրերի ռազմավարական նշանակությունը՝ բնակիչների կենսամակարդակի բարելավման տեսանկյունից։ Նա նշել է, որ աշխատանքների արդյունավետ իրականացման համար առաջնահերթություն պետք է տրվի ինչպես ժամկետների պահպանմանը, այնպես էլ կատարման բարձր որակին և մշտական վերահսկողությանը։
