Արմավիրի մարզպետի աշխատակազմ

Այսօր Արմավիրի մարզպետ Արգիշտի Մեխակյանի նախագահությամբ կայացել է աշխատանքային քննարկում՝ Ֆերիկ համայնքի ղեկավար Ռուստամ Հասանյանի մասնակցությամբ։
Քննարկմանը ներկա էին նաև Արմավիրի մարզպետի աշխատակազմի և համայնքապետարանի ոլորտային պատասխանատուները։
Քննարկման ընթացքում անդրադարձ է եղել Ֆերիկ համայնքում պետական բյուջեի և սուբվենցիոն ծրագրերի շրջանակում իրականացված և առաջիկայում նախատեսվող աշխատանքներին, դրանց ընթացքին, ինչպես նաև առկա խնդիրներին ու դրանց հնարավոր լուծումներին։
Մասնակիցները ներկայացրել են նաև համայնքի զարգացման հեռանկարային ծրագրերը, քննարկել դրանց ֆինանսավորման հնարավոր ուղիներն ու գործընթացները։
Մարզպետ Արգիշտի Մեխակյանը կարևորել է ազգային փոքրամասնությունների համար համակեցության բարենպաստ միջավայրի ապահովումը՝ ընդգծելով, որ պետական մակարդակով շարունակաբար իրականացվում են քայլեր՝ ազգային փոքրամասնությունների իրավունքների պաշտպանությունը և նրանց բարեկեցությունը խթանելու ուղղությամբ։